السيستم بالمصري: مراجعة لكتاب السيستم
كتير اشتكوا ان كلامي جاد جدا وصعب يتفهم .. وإن الفكرة نفسها مش مفهومة .. ماسمعونيش في رحلات السيادة😂
غالبا الاسم برضه غريب وحابسني في قالب الكلام الكبير اوي 😎
قررت في السلسلة دي..نتكلم بالبلدي ونعيش عيش اهالينا بقى 🥳
مراجعة كتاب السيستم
دي اللي بيسموها بالإنجليزي review
واللي فيها حد قرأ الكتاب وبيعطيك ملخص اللي فهمه من الكتاب
ودي مراجعة كتبتها بلسان قارئ لكتابي ( اللسان هنا للتشبيه فقط 😌)
و ده بقى كتاب صاحبته سمته السيستم !
و من اسمه على طول الواحد بيفتكر أسخف جملة بتتقال لك و انت مستعجل و مزنوق و عايز تدفع فلوس او تستلم فلوس و يتقال لك : السيستم واقع! وقع ووقع معاه كل خططك بتاعة اليوم ده.
و نرجع للكتاب
الكتاب من اسمه برضه
تقدر تقول إنه متعلق بالكمبيوتر 😃
و الا مش متعلق؟🤔
لا هو متعلق😌 بس مش متعلق..🤠
يعني انت و السيستم بتاعك بقى اتفقوا تعتبروه ايه..
و هو ده هدف الكتاب اصلا
انك تتفق انت و السيستم بتاعك.. و يا بخت من وفق راسين في الحلال
***
الحقيقة دول مش اي راسين
دي راس حضرتك مع النظام اللي جوة
يعني كده زي ما تكون انت المخ و هو العضلات..
يااااا افيه قديم اوي ده 😼
السيستم يعني نظام
النظام ده مطيع جدا و مبيقولكش لا
إلا في حالات اللي ممكن النظام نفسه يتدمر ..وقتها بيتوقف و بيوقفك حفظا للنظام
**
مش بتبقى قاعد كده في امان الله و تلاقي اللاب طفى لوحده كده 👀
و لما تعيد التشغيل تلاقيه بيقولك
انه لامؤاخذة عمل شات داون عشان يحمي الكومبيوتر من
Severe damage
يعني تلف خطير
***
اهو السيستم دي الحالة الوحيدة اللي حا يقولك فيه سامحني يا صاحبي
😟
مش سهل أن حد ينتحر و دماغه شغالة
ده مستحيل اصلا
لازم الدماغ تتنيم عشان ده يتم
بمغيبات او باكتئاب شديد
غير كده ما بيحصلش و أن حصل ما بينجحش لأن السيستم بيقاوم محاولة تدميره
مين هو السيستم؟ حقيقة النظام
الحقيقة السيستم مش رخم
ولا هو قاصد يحط عليك و لا حاجة
هو بيحميك من نفسك
***
ده اللي هو بيبقى شايفه مع أي نوع من التغيير
هو مبيحبش التغيير و ملوش في حتة انه للاحسن و الا الأسوأ
اي تغيير في نظره هو تضييع وقت وجهد
زيه زي محاولات الابداع في طريقة غسل وشك الصبح
( تخيل 3 وضعيات مضحكة لغسيل الوش)
او الابداع في طريقة قعدتك في الميكروباص
( 3 لقطات لقعدات مضحكة)
السيستم بيقول للشخص:
بذمتك مش لازم احميك من هبلك ده؟ 😃
السيستم بيتصرف حسب سياسات اليوزر
ابنك على ما تربيه و سيستمك على ما تعوديه
😏
فلو انت مستسلم هو كمان زيك
صورة واحد باصص في الأرض🥺
و لو انت متمرد هو كمان زيك
صورة واحد رافع حاجب و بصة شريرة 🤨
طيب فين المشكلة ؟
ماهو كده السيستم زيي يعني فين القلق
ما كلنا انضربنا بالشبشب و طلعنا زي الفل
(صورة تعبر عن التخلف العقلي) 🤓
تمام جدا
في ناس بتعيش راضية و مبسوطة لحد ما تقابل وجه رب كريم 😇
من غير ما يحسوا بأي حاجة
و دول بيس خالص
🙂
و عايشين جوة الحيط و كله تمام
🤗
احنا بنتكلم بقى ع الناس اللي مرة كده سألوا نفسهم
هو انا مين؟
صورة حد يتساءل بعمق 🤔
طيب انا جيت الدنيا ليه؟
صورة حد تاني بيتساءل بعمق برضه 🤔
**
الناس دي مبيبقوش نفس الناس بعد الأسئلة دي
(صورة الكبير اوي و هو حاطط أيده على دماغه و مزيكا صعيدي حزايني..)
ايه بقى مثلث الدراما؟
السيستم بيحكيلك عن مثلث اسمه مثلث كاربمان
عن الضحية 🥺
و المنقذ 💪
و المضطهد😡
و ازاي أن اي حد بيخش المثلث ده لازم يبقى التلاتة
الطيب 😇
و الشرس👹
و القبيح 💩
سوبر مان نفسه هو و الاخ باتمان عشان يبقوا المنقذ للضحية بيتحولوا لمضطهدين
(صورة لعادل أمام و هو رافع حاجبه )🤨
السيستم والأكل
الكتاب كمان بيتكلم عن الأكل و بيفجر مفاجأة حا تعجب الاكيلة
(صورة اكل كتير و ناس فرحانة بالاكل )
بيقول لك مفيش حاجة اسمها اكل صحي و اكل مش صحي
المهم ايه الأفكار و المشاعر اللي بيدخلوا مع الاكل اللي بتاكله
و كمان معتقداتك عن الأكل هي اللي السيستم بيعتمدها
يعني لامؤاخذة بالبلدي كده
لو شايف البتنجان سبب مصايب حياتك
كل ما حتاكل بتنجان حا تحصل كارثة
و لو شايف القهوة مفيدة للقلب لو ما شربتش حا يجيلك هبوط
و لو شايف السجاير حلوة لو ما شربتش حا تتعب و تكح 🙄
أنا معايا كل سيديهاتك
الكتاب كمان بيقولك ان كل حاجة لها ملفات في السيستم عندك
الخوف له ملف
و العار له ملف
و الغضب له ملف
و كل فكرة و كل سلوك لهم ملفات
بس لازم تاخد بالك من تسمية الملفات باسم صح عشان ما تتوهش ومتعرفش تلاقيها
و تاخد بالك ان الملفات اللي بتتوه و اساميها مش بتبقى واضحة ، ممكن تتسرب للسيستم و تبقى جزء من ملفات النظام
ووقتها تبقى وقعت يا حلو
وش مجرم و معاه مسدس 🤠
السيستم ازاي حا يساعدك؟
طيب ايه بقى ؟
نصلح الكلام ده ازاي؟ 👀
الكتاب بيقولك
في مراحل اولانية ممكن تعمل فيها تصليح ذاتي و تشغل ال trouble shooter
و المشكلة تتحل
و مراحل النظام فيها بيضرب
و لازم يروح مركز صيانة 🤕
المهم أن صاحبة الكتاب اصلا معالج بالطاقة بس ما بتقولش 😌وممكن تعمل لك جلسات مديتيشن
(لقطة نيللي و شيريهان بتاعة الميديتيشن)
حاتاخدك بعيد بعيد
🧐
(صورة حد بيبرق و خايف)
و تخليك تخش السيستم برجلك اليمين و تصلحه
(لقطة لعبلة كامل و هي بتزغرد)
كانت معاكم عبير يونس والسيستم بالمصري
